«Grand Tour Biathlon»: Үздік жас биатлоншылар Норвегияға барады
Жарыстың негізгі ерекшеліктері:
Жарыс Риддерде басталып, Орал, Павлодар, Щучинск, Петропавл қалаларында жалғасады. Ал финал жазда елорданың орталық паркінде өтеді. Көшбасшыларға арнайы қызыл және сары майкалар, сондай-ақ эксклюзивті Кубоктар беріледі. Балалар пневматикалық мылтықтармен атады. Рейтинг қорытындысы бойынша ең үздік 3-5 команда балалар инвентарін сатып алуға ақшалай сертификаттар алады.
Ал 2008-2010 жылғы үздік спортшылар халықаралық шараларға жолдама алады:
Норвегия: 10-15 сәуір аралығында өтетін ең ірі әлемдік балалар фестивалі.
IBU SPORT CAMP: Желтоқсан айында өтетін халықаралық балалар спорт лагері.
Қазақстандағы оқу-жаттығу жиыны: Тамыз айында Щучинск немесе Алматыда шетелдік мамандар мен Назарбаев Университеті профессорларының қатысуымен өтетін оқу-жаттығу жиыны өтеді.
Қазақстан Биатлоншылар одағының бас хатшысы Манас Үсенов бұл жобаның басты мақсаты — өңірлерде биатлонды дамыту және Астана қаласында балалар бөлімін ашу екенін атап өтті.
