IBU Junior Cup: биатлоншылар үздіктер қатарында
Нәтижесі бойынша, ерлер арасында өткен 10 км спринтте Вадим Куралес 103 спортшының арасынан мәреге 5-ші болып жетті. (+25.0; 2). Қазақстан құрамасы атынан өнер көрсеткен өзге де биатлоншыларымыз Гребенщиков Егор 7-ші, Червенко Данил 16-шы, Афанасьев Артем 45-ші, Амурлаев Руслан 53-ші болып жарысты аяқтады.Алғашқы болып жеңіске австриялық Лукас Хаслингер (29:31.4;1) жетсе, екінші болып тағы бір австрия биатлоншысы Давид Ноймайр (+20.2;1) үшінші болып неміс спортшысы Беньямин Менц келді.(+20.9;2)
Ал қыздар арасында алғашқы спринт сайысында 7,5 км қашықтықта биатлоншымыз Генева Милана 87 спортшының арасынан үздік ондыққа ілікті. Ол мәреге 6-шы болып жетті. (+2:00.4; 1). Крюкова Арина мәреге 21-ші, Мария Польдяева 41-ші, Карабаева Алема 49-шы, Долгополова Ксения 73-ші болып жетті. Алғашқы болып жеңіске австриялық Анна Андексер (24:05.9;1) жетсе, екінші болып неміс биатлоншысы Алина Нуссбикер (+1:29.0;1) үшінші болып тағы бір неміс спортшысы Юлия Фоглер келді.(+1:46.7). Осылайша, юниорлар құрамасы екі күн қатарынан үздіктер қатарынан көрінді. Естеріңізге сала кетейік, енді команда 5-11 ақпан аралығында өтетін Еуропа чемпионатында бақ сынайды.
